نئی دہلی،30 اپریل (یواین ئی) کانگریس کے سابق صدر راہل گاندھی نے کہا ہے کہ سابق وزیر اعظم راجیو گاندھی نے ملک کی مجموعی ترقی کے لئے جس پنچایتی راج سسٹم کومتعارف کرایا، وہ زبردست اوراثر دار ثابت ہوئی لیکن بدقسمتی سے آج ہم اس نظام سے بھٹک گئے ہیں.
مسٹر گاندھی نے جمعرات کو ریزرو بینک کے سابق گورنر رگھو رام راجن کے ساتھ بات چیت میں حصہ لیتے ہوئے کہا’’راجیو گاندھی جی جس پنچایتی راج کو لے کر آئے تھے اس کا معاشرے پرزبردست اثرہوا لیکن افسوس کے ساتھ کہنا پڑتا ہے کہ اب یہ کم ہو رہا ہے ۔
پنچایتی راج کے محاذ پر جتنا آگے بڑھنے کا کام ہوا تھا، ہم اس سے واپس لوٹ رہے ہیں اور ضلع مجسٹریٹ پر مبنی نظام میں جا رہے ہیں‘‘۔
انہوں نے کہا کہ ملک کی شمالی ریاستوں کے مقابلے میں پنچایتی راج سسٹم پرجنوبی ریاستوں میں زیادہ بہترکام ہوا ہے۔
