نئی دہلی، 16 اپریل (یو این آئی) کورونا وبا کی وجہ سے ملک بھر میں نافذ لاک ڈاؤن کے درمیان شمالی اور مشرقی سرحدوں پر تعینات کیے جانے والے جوانوں کو لے جانے کے لئے دو خصوصی ٹرین چلائی جائیں گی۔ ان جوانوں کو آپریشن سے متعلق مہمات کی تیاروں کے پیش نظر خصوصی ٹرینوں کے ذریعے سرحدوں پر بھیجا جا رہا ہے۔ ان میں سے زیادہ تر جوان بنگلور، بیلگام، سکندراباد اور گوپال پور میں تربیت لے رہے تھے اور مکمل لاک ڈاؤن کے بعد وہیں رہ گئے۔
