نئی دہلی ، 12 اپریل ( یواین آئی ) دہلی کے وزیر اعلی اروند کیجریوال نے کورونا وائرس ‘كووڈ -19’ کے بڑھتے کیسز کے سلسلے میں اتوار کو تشویش ظاہر کرتے ہوئے پیر سے وسیع مہم چلانے کا اعلان کیا ۔ مسٹر کیجریوال نے کہا’’ ہم نہیں چاہتے کہ دہلی کا امریکہ جیسا حال ہو، اس وجہ سے ’ آپریشن شیلڈ‘ چلایا جا رہا ہے ۔ ہم نے دہلی میں كووڈ -19 کے کئی اور’ کنٹینمنٹ زون ‘ کی نشاندہی کی ہے ۔ ہم كووڈ -19 ’ کنٹینمنٹ زون‘ میں پیر سے وسیع مہم چلائیں گے ۔مسٹر کیجریوال نے بتایا کہ پیر سے دہلی میں بڑے پیمانے پر سینی ٹائزیشن کا کام شروع ہو جائے گا ۔ انہوں نے کہا کہ جہاں پر بھی کورونا کے زیادہ مریض مل رہے ہیں اس علاقے کو ’ کنٹینمنٹ زون ‘ قرار دیا جا رہا ہے ۔ آنے والے ایک دو دن میں کافی سارے کنٹینمنٹ زون بڑھانے والے ہیں ۔ بڑے پیما نے پر سنی ٹائزیشن مہم شروع کرنے والے ہیں ۔ 60 مشینوں سے مہم چلائیں گے ۔ اورنج زون ہائی رسک زون ہیں ۔ ریڈ اور اورنج زون میں سینی ٹائزیشن مہم پیر سے چلائی جائے گی ۔
