نئی دہلی ، 6 اپریل ( یواین آئی ) وزیر اعظم نریندر مودی نے بھارتیہ جنتا پارٹی (بی جے پی) کے 40 ویں یوم تاسیس پر پیر کے روز مبارکباد پیش کرتے ہوئے سوشل ڈسٹنسنگ کے ساتھ متحد ہوکر ملک کو كووڈ -19 سے پاک بنا نے میں تعاون پیش کرنے کی اپیل کی ۔مسٹر مودی نے کہا’’ بی جے پی کا یوم تاسیس ایسے وقت میں آیا ہے، جب ملک كووڈ- 19 سے لڑ رہا ہے ۔ میں کارکنوں سے درخواست کرتا ہوں کہ وہ پارٹی صدر جے پی نڈا جی کی ہدایات پر عمل کریں اور سوشل ڈسٹنسنگ کے ساتھ حاجت مندوں کی مدد کریں ۔ متحد ہوکر ہندوستان کو كووڈ- 19 سے پاک بنائیں ‘‘ ۔ وزیر اعظم نے کہا بی جے پی کو خدمات کا جب بھی موقع ملا، پارٹی نے گڈ گورننس اور غریبوں کو با اختیار بنانے پر زور دیا ۔ پارٹی کے اصولوں کے مطابق ہمارے کارکنوں نے لوگوں کی زندگیوں میں مثبت تبدیلی لانے کے لئے محنت کی اور سماج کی خدمت کی نئی مثال بھی قائم ہے ۔
