عالمی وباءکرونا وائرس خانہ جنگی کی شکل اختیار کرتا جا رہا ہے:جاوید احمد رانا
اعجازکوہلی
مپنڈھر عالمی موذی وباءکرونا وائرس اس وقت تک دنیا کے تقریباً 180 ممالک میں دستک دے چکی ہے جبکہ دنیا کے بیشتر ممالک میں اس موذی مرض کی وجہ سے مرنے والوں کی تعداد میں دن بدن اضافہ ہوتا چلا جا رہا ہے ایک اندازے کے مطابق اس موذی مرض نے دنیا کے طاقتور اور امیر ترین ممالک میں تباہی مچا کر رکھ دی ہے جہاں پر ہر روز ہزاروں کی تعداد میں انسان لقمہ اجل بن رہے ہیں اور عالمی طاقتیں اس موذی مرض کے سامنے عاجز آچکی ہیں۔ان خیالات کا اظہار نیشنل کانفرنس کے سنٹرل سیکرٹری اور سابقہ ممبر اسمبلی مےنڈھر جاوید احمد رانا نے اخبارات کے نام جاری اپنے بیان میں کیا۔ انہوں نے کہا کہ جس رفتار سے یہ موذی مرض پوری دنیا میں اپنا دایرہ وسےع کرتی جا رہی ہے اس سے مجموعی انسانی سوچ اور فکر میں اضافہ ہوتا جا رہا ہے عالمی حالات کا مشاہدہ کرنے کے بعد یوں محسوس ہو رہا ہے گویا قیامت صغریٰ برپا ہو چکی ہے۔ جاوید احمد رانا نے کہا کہ یہ وقت اللہ تعالیٰ کی ناراضگی کی برملا تصدیق کرتا ہے اور یہی وجہ ہے کہ یہ ایام پوری انسانیت کے لیے لمحہ فکریہ ثابت ہوے ہیں۔ انہوں نے کہا اللہ تعالیٰ کی ناراضگی اور بڑھتی ہوئی ناانصافی اور سماجی برائی بھی اس مہلک مرض کی ایک بڑی وجہ ہے۔ جاوید احمد رانا نے کہا کہ مصیبت کی اس گھڑی میں پوری انسانیت کو عالمی ادارہ صحت خصوصاً ہمارے ملک کے ماہرین طب کی جانب سے جاری کردہ ہدایات پر سختی سے عمل کیا جائے تاکہ قیمتی انسانی جانوں کا زےاں نہ ہونے پائے۔
