غیر ملکی مشن بین الاقوامی سیاسی اور اقتصادی منظر نامے پر گہری نظررکھیں: مودی
یواین آئی
نئی دہلی امریکہ اور چین کے درمیان کروناکولیکرسیاسی الزام تراشی کے بڑھتے سلسلے کے بیچ وزیر اعظم نریندر مودی نے دنیا بھر میں تعینات ہندوستانی سفیروں اور اعلی عہدیداروں کو آج ہدایت دی کہ وہ کورونا وائرس کی وبا کے درمیان تیزی سے تبدیل کر رہے بین الاقوامی سیاسی اور اقتصادی منظر نامے پر گہری نظر رکھیں اور تارکین وطن کے ساتھ مذاکرات اور تعاون برقرار رکھنے کے ساتھ ساتھ عالمی تجارت، سپلائی اور ادائیگی کی ہموار منتقلی بنائے رکھنے کے لئے بہتر طریقے سے کام کریں۔مسٹر مودی نے یہاں سے ویڈیو کانفرنسنگ کے ذریعے مختلف ممالک میں مشن کے سربراہان سے بات چیت کی اور انہیں پانچ نکاتی ہدایات جاری کیں۔وزارت خارجہ کے مطابق شام پانچ بجے ہوئی اس ای-میٹنگ میں کووڈ -19 وبا کے تعلق سے دنیا بھر میں ہوئے ردعمل پر بحث کی گئی۔ اس موقع پر وزیر خارجہ ڈاکٹر ایس جے شنکر، قومی سلامتی کے مشیر اجیت ڈوبھال اور سیکرٹری خارجہ ہرش وردھن شرنگلا بھی موجود تھے۔مسٹر مودی نے امریکہ، چین، ایران، اٹلی، جرمنی، نیپال، متحدہ عرب امارات، افغانستان، مالدیپ اور جنوبی کوریا میں تعینات مشن کے سربراہان کے خیالات اور تجربات کو بھی سنا۔سفارتی حلقوں میں وزیر اعظم کی یہ ہدایات امریکہ اور چین کے درمیان کووڈ 19 کے پھیلاو¿ کے تعلق سے شروع ہوئی سیاسی الزام تراشیوں کے پیش نظر انتہائی اہم مانی جا رہی ہیں۔وزارت خارجہ نے اجلاس کے بعد بتایا کہ وزیر اعظم نے زور دے کر کہا کہ ہندوستان کا مشن اگرچہ گھر سے دور ہوں لیکن وہ کووڈ -19 سے خلاف ملک کی جنگ میں مکمل طور پر شریک ہے۔ انہوں نے یہ بھی کہا کہ ہم وطنوں کے اتحاد اور چوکشی ہی ہندوستان کے مستقبل کی حفاظت میں مددگار ثابت ہو گی۔
