لازوال ڈیسک
جموں//30 فیصد لوگوں نے کہا کہ انہیں زکوة اور اس کے فوائد کے بارے میں کوئی علم نہیں ہے۔اور کمیونٹی میں زکوة کے بارے میں بیداری کو بڑھانے کے لئے اہم اقدام کی ضرورت ہے۔زکوة ادا کرنے والے مجموعی طور پر 40 فی صد دہندگان نے یہ واضح کیا کہ وہ واجب الادا زکوة کا صحیح طریقے سے تخمینہ لگانے سے قاصر ہیں – زکوة کے صحیح حساب سے متعلق بیداری پیدا کرنے کی ضرورت ہے۔نصف سے زائد لوگ اپنی زکوة کو سال میں کسی بھی وقت ضرورت کے مطابق نکالتے ہیں- اور 40 فیصد لوگ رمضان المبارک میں زکوة ادا کرنے کو ترجیح دیتے ہیں – اسلیے نہ صرف رمضان المبارک میں بلکہ سال بھر زکوة جمع کرنے کے لئے میکانیزم تیار کیا جانا چاہئے.75 فیصد سے زائد لوگ زکوة کو اپنے رشتہ داروں/ مقامی زکوة کی تلاش کرنے والوں کو / یا جو زکوة کے ل? پہلے پہنچتے ہیں کو دیتے ہیں- صرف 15 فیصد لوگ اپنی زکوة بیت المال یا این جی او کو منظم چیریٹی کے لئے دیتے ہیں۔ 60 فیصد سے زائد لوگوں کا کہنا ہے کہ وہ ہر سال ایک ہی افراد کو عطیہ دیتے ہیں۔ جبکہ جب پوچھا گیا کہ آیا انہوں نے زکوة لینے والے افراد کی زندگی میں تبدیلیوں کو دیکھا ہے، تو ان میں سے اکثریت (55 فیصد) کا کہنا تھا کہ انہوں نے اس کے بارے میں فکر نہیں کی اور صرف اس زکوة کے فریضے کو مکمل کرنا چاہتے ہیں۔اس سروے سے معلوم ہوا کہ زکوٰة کی ادائیگی بے حد غیر منظم انداز میں ہوتی ہے۔ زکوة فی الحال مختلف مد میں مختلف مقاصد کے لئے عطیہ کی جاتی ہے- تعلیم اور روزگار جیسے سب سے اہم مقاصد کے لئے زکوة کے استعمال کی ضرورت ہے جو کمیونٹی میں لوگوں کی زندگیوں میں تبدیلی میں مددگار ہو- جب ”زکوة دینے کا بہترین طریقہ کیا ہونا چاہیے” کے بارے میں پوچھا گیا، تو مجموعی طور پر 70 فیصد لوگوں نے کہا کہ زکوٰة کا اجتماعی طور پر نظام ہونا چاہیے۔75 فیصد سے زائد لوگ سختی سے اتفاق کرتے ہیں کہ ”اجتماعی زکوة” اگر ہم مناسب طریقے سے استعمال کرتے ہیں تو ہماری کمیونٹی کے حالات کو مکمل طور پر تبدیل کرنا ممکن ہے.75 فیصد سے زائد لوگ محسوس کرتے ہیں کہ زکوة کو تعلیم، اقتصادی ترقی اور خود کار روزگار شروع کرنے کے لئے استعمال کیا جانا چاہئے.مجموعی طور پر 94 فیصد لوگوں نے یہ انتخاب کیا کہ اجتماعی زکوة فنڈ مینجمنٹ کے لئے ایک میکانزم ہونا چاہئے –
