یواین آئی
سرینگر؍؍پی ڈی پی صدر اور سابق وزیر اعلیٰ محبوبہ مفتی کی صاحبزادی التجا مفتی کا کہنا ہے کہ کورونا وائرس کے بچاؤ کے لئے بعض لوگوں کی طرف سے سینیٹائزرس پر ‘گاؤ موتر’ یعنی گائے کے پیشاب کو ترجیح دینا اس وائرس سے بھی زیادہ تشویش ناک امر ہے۔التجا نے اپنی والدہ کے ٹویٹر ہینڈل، جس کو وہ گزشتہ کئی ماہ سے چلارہی ہیں، پرلکھا: ‘کورو ناوائرس کے خدشات کے بیچ بعض لوگ سینیٹائزرس پر گاؤ موتر یعنی گائے کے پیشاب کو ترجیح دے رہے ہیں، یہ اس وبا سے بھی زیادہ تشویش ناک امر ہے۔ گائے کا پیشاب سائنسی طریقہ علاج کا نعم البدل نہیں ہوسکتا’۔بتادیں کہ ملک میں حال ہی میں ایک تنظیم نے کورونا وائرس سے محفوظ رہنے کے لئے ‘گاؤ موتر’ پارٹی کا اہتمام کیا جس میں لوگوں کو اس وائرس سے بچنے کے لئے گائے کے پیشاب کو علاج اور دوا قرار دیتے ہوئے دیکھا گیا۔ مذکورہ پارٹی میں عالمی رہنماؤں سے کہا گیا کہ وہ بھارت سے گاؤ موتر منگوائیں۔
