آرٹس لے کر بھی دوسرے شعبے کو ٹکر دی جا سکتی ہے۔ ایسے طلبہ جنہیں زباندانی،تہذیب و ثقافت،ادب،نظم ونسق،فنی صلاحیتوں کے اظہار وغیرہ سے دلیچسپی ہو انکے لیے یہ ایک بہت مناسب اور کارآمد شعبہ ہے۔ زیادہ تر سول سروس میں کامیاب ہونے والوں کا تعلق شعبہ آرٹس سے ہی ہے۔
طلبہ اپنے آپ سے سوال کریںکہ آپ کے پاس کیا ٹیلینٹ ہے؟آپ کا شوق کیا ہے؟ زندگی میں آپ کیا کرنا چاہتے ہیں؟کس کام کو کرنے میں آپ زیادہ خوشی محسوس کرتے ہیں؟اپنے بڑوں سے ، والدین ،اساتذہ سے کرئیر کونسلر سے اور دوستوں سے مشورہ ضرور کریں۔مشورہ کرنے کے بعد یہ دیکھیں کے آپ کے اندر سے کیا آواز آرہی ہے؟آپ کیا محسوس کرتے ہیں؟اپنے لیے کیا سوچتے ہیں؟آرٹس کیوں لیں؟ اس کا کیا فائدہ اور کون کون سے کورس کر سکتے ہیں؟
بارہویں آرٹس کے بعد کیا کریں؟
)مومن فیاض احمد غلام مصطفی ایجوکیشنل و کرئیر کونسلر صمدیہ ہائی اسکول و جونیر کالج بھیونڈی (9890476581
بارہویں کے امتحان تقریباً ختم ہو چکے ہیں۔کرونا وائرس کی دھوم مچی ہوئی ہے۔ اس سے گھبرانے کی ضررورت نہیں ہے لیکن احتیاط بہت ضروری ہے۔سائنس کا ماننا ہے کے جسم کے کھلے ہوئے حصوں کو دن بھر میں کم ازکم تین مرتبہ دھونا ضروری ہے۔ اسلام نے اس کا عملی نمونہ پیش کیا ہے جو لوگ پانچوں وقت کی نماز کا اہتمام کرتے ہیں وہ وضو کے دوران ا ن حصوں کو تین مرتبہ دھوتے ہی ہیں اس طرح پانچوں وقت کی نماز میں پندرہ مرتبہ دھو لیتے ہیں۔ ریاست مہاراشٹر کورونا وائرس کے بڑھتے ہوئے معاملات کے پیش نظر مہاراشٹر کے سبھی اسکولوں،کالجوں ،مالس ،سینماہال ،جمنازیم، سوئمنگ پل اور ناٹیہ گرہ کو 31 مارچ تک بند کرنے کا اعلان کیا ہے۔ اس کے ساتھ ہی لوگوں کو بھیڑ بھاڑ والی جگہوں پر جانے سے بچنے کی بھی صلاح دی ہے۔ بہرحال حالات جیسے بھی ہوں طلبہ کو اپنے مقصد پر نظر رکھنی چاہیے۔امتحان کے بعد جو فرصت کے وقت ملے ہیں ان کو کارآمد بنائیں ۔مناسب منصوبہ بندی کریں،اساتذہ، والدین، کرئیر کونسلر سے مشورہ کریں۔
بارہویں پاس کرنے کے بعد بہت سے لوگ کشمکش میں مبتلا رہتے ہیں کہ اب کیا کریں؟والدین بھی فکر مند رہتے ہیں اور ٹینشن میں رہتے ہیں کہ وہ اپنے بیٹے یا بیٹی کو کیا کرائیں جس سے اس کی آنے والی زندگی کامیاب اور خوشگوار ہو۔ اچھا کرئیر اس کے پاس رہے وہ کامیاب زندگی گزارے۔ بارہویں کامیاب ہونے کے بعد کا جو وقت ہوتا ہے۔یہ لمحہ بہت ہی اہم ،بہت قیمتی اور فیصلہ کن وقت ہوتا ہے۔یہاں پر اگر آپ صحیح کریئر کے لیے اچھا فیصلہ لے لیا تو اآپ پوری زندگی ایسا سمجھیے کہ آپ comfort zone میں رہیں گے اور اگر غلط فیصلہ لیتے ہیں توآنے والی زندگی ڈسٹرب ہو سکتی ہے۔ہر انسان کو اللہ نے بے شمار نعمتوں سے نوازا ہے۔طلبہ اپنی صلاحیت،قابلیت،دلچسپی،شوق اور لگن کو ضرور جانچے تاکہ آپ کو صحیح کرئیر کا انتخاب کرنے میں آسانی ہو اور آپ اپنے مقصد کو ،اپنے کرئیر کو،اپنے گول کو آسانی سے منتخب کرسکیں۔طلبہ اپنے آپ سے سوال کریںکہ آپ کے پاس کیا ٹیلینٹ ہے؟آپ کا شوق کیا ہے؟ زندگی میں آپ کیا کرنا چاہتے ہیں؟کس کام کو کرنے میں آپ زیادہ خوشی محسوس کرتے ہیں؟اپنے بڑوں سے ، والدین ،اساتذہ اور دوستوں سے مشورہ ضرور کریں۔مشورہ کرنے کے بعد یہ دیکھیں کے آپ کے اندر سے کیا آواز آرہی ہے؟آپ کیا محسوس کرتے ہیں؟اپنے لیے کیا سوچتے ہیں؟امید ہے آپ نے ان باتوں پر غور کرلیا ہوگا۔ کسی بھی شعبے کو کم نہ سمجھے۔ہر شعبے کی اپنی اہمیت ہے۔اس مضمون کے ذریعہ آرٹس کے طلبہ کس کس فیلڈ میں جاکر اپنے کرئیر کی بلندی پر پہنچ سکتے ہیں۔اپنے مقصد کو حاصل کر کے اپنے سماج کی خدمت کر سکتے ہیں،کیونکہ ایک قول کے مطابق انسان کی خدمت ہی خدا کی خدمت ہے۔بلند مقام حاصل کرنے کے بعد اپنے سماج کو اپنی قوم کو کچھ دینے کی کوشش کریں کیونکہ دینے والا ہاتھ لینے والے سے بہتر ہوتا ہے۔
آرٹس کیوں لیں؟ اس کا کیا فائدہ اور کون کون سے کورس کر سکتے ہیں؟ اس شعبے کو کم تر سمجھنے کی ضرورت نہیں ہے ا س میں بھی بہت اچھا کرئیر بنایا جا سکتا ہے۔ شعبہ آرٹس نسبتاً ایک آسان شعبہ ہے۔عموماً ایسا سمجھا جاتا ہے ۔آرٹس لے کر بھی دوسرے شعبے کو ٹکر دی جا سکتی ہے۔ ایسے طلبہ جنہیں زباندانی،تہذیب و ثقافت،ادب،نظم ونسق،فنی صلاحیتوں کے اظہار وغیرہ سے دلیچسپی ہو انکے لیے یہ ایک بہت مناسب اور کارآمد شعبہ ہے۔ اگر دیکھا جائے تو زیادہ تر سول سروس میں کامیاب ہونے والوں کا تعلق شعبہ آرٹس سے ہی ہے۔اس شعبے کے کچھ کورسیس کی معلومات فراہم کی جا رہی ہے ۔اس کے علاوہ بھی اور بہت کچھ ہے ۔جن طلبہ میں حوصلہ ہے وہ کچھ بھی کر سکتے ہیں۔
بی ۔اے Bachlor of Arts(B.A) ، B.F.A(Bachlor of Fine Arts) بیچلر آف فائن آرٹس ، ایونٹ مینجمینٹ: Event Management ، بی۔بی ۔اے(B.B.A.) ، ایل ۔ایل بی(L.L.B) ہوٹل مینیجمیٹ(Hotel Management)، فیشن ڈیزائیننگ(Fashion Designing)، بی ۔سی ۔اے(B.C.A)، ملٹی میڈیا اور اینی میشن(Multi Media & Animation)،گرافک ڈیزائننگ(Graphic Designing) غیر ملکی زبانیں(Foregion Languages) ،
بی ۔اے Bachlor of Arts(B.A) : اس کا مکمل نام بیچلر آف آرٹس ہے۔اس کے متعلق سب جانتے ہیں یہ تین سال کا ڈگری کورس ہے۔مختلف مضامین کا انتخاب کر کے اس میں کرئیر بنایا جا سکتا ہے۔
B.F.A(Bachlor of Fine Arts) :یہ بھی ایک اچھا کورس ہے ۔اس میں فوٹو گرافی، پینٹنگ، ڈانسنگ وغیرہ سکھایا جا تا ہے۔اس کورس کو وقفہ بھی تین سال کا ہے۔
ایونٹ مینجمینٹ: Event Management کے ذریعے مختلف پارٹیاں، کانفرنسیس ،مذہبی، سیاسی، تہذیبی،سماجی،فیشن شو، لیزیم شو، سیمنار، مشاعرے، مختلف قسم کی نمائشیں، مقابلہ حسن، فلم فئیر ایوارڈ، مس انڈیا، شادی بیاہ، انعامی تقریب کا انعقاد،سنگیت و رقص کی محفل برتھ ڈے پروگرام ، مختلف کھیلوں کے میچ جیسے متعدد پروگرامس، وغیرہ کا انعقاد کا شمارہوتا ہے۔ ان تقریبات کو منعقد کرنے کا وقت،اسکا بجٹ،ٹیم کا اہتمام اس کے محل وقوع وغیر ہ کے پیش نظر اس کو بہتر سے بہترین بنانے کے لیے ایونٹ مینجمینٹ کی اہمیت سے انکار نہیں کیا جاسکتا ہے۔ ان تمام تقریبات کی تیاری کس طرح کی جائے اس کی تیاری کی ٹریننگ دی جاتی ہے۔کیونکہ یہاں پر غیر متوقع طو ر پر بے ضابطگی ہونے کا امکان رہتا ہے۔ اس کا عمدہ طور نظم وضبط کرنا Event Management ایونٹ مینجمینٹ کے زمرے میں آتا ہے۔اس کے ساتھ ساتھ عوامی رابطہ، مارکیٹنگ، اشتہار، ماڈلنگ بھی شامل ہے۔کسی بھی تقریب مثلاًشادی بیاہ وغیرہ کے موقع پر ہونے والی تیاریاں جیسے،مہمانوں کی لسٹ تیار کرنا، دعوت نامہ ان تک پہنچانا، ان کے رہنے اور کھانے پیینے کا انتظام، ہال بک کرنا،قاضی کا انتظام ، سامان کی فہرست تیار کرنا،اس قسم کے تمام کام Event Management ایونٹ مینجمینٹ کمپنیاں انجام دیتی ہے۔اس میں مرکزی کردار ایونٹ مینجر کا ہوتا ہے۔جو اس کے تمام پہلوئوں پر نظر رکھتا ہے اور تقریب کو کامیاب بنانے میںاپنی ٹیم کو سرگرم عمل کر کے اس کو بہت احسن طریقے سے انجام دیتا ہے۔ایونٹ مینجر ایسا سمجھے کہ یہ کسی بھی ایونٹ کمپنی یا ادارے کا منتظم ہوتا ہے۔
بی۔بی ۔اے(B.B.A.):Bachelor of Buisness Administration : یہ ایک administrative کورس ہے۔جو طلبہadministration کے شعبے میں آگے جانا چاہتے ہیں ان کے لیے یہ کورس بہتر متبادل رہیگا۔یہ بھی بارہویں کے بعد تین سال پر مشتمل کورس ہے۔کسی اچھے بزنس اسکول،کالج یا یونیورسٹی سے آپ یہ کورس کر سکتے ہیں۔یہ ایک بہترین کورس ہے۔اگر طلبہ اس فیلڈ میں اپنا کرئیر بنانا چاہتے ہیں تو یہ کورس کر سکتے ہیں ۔ اس میں یہ بات آپ کو سکھائی جاتی ہے کہ بزنس کو کس طرح سے manage کرنا ہے۔جن طلبہ کو مستقبل میں بزنس مین بننا ہے وہ یہ کورس کرسکتے ہیں۔ اس میں بھی روزگار کے اچھے مواقع ہیں۔بی بی کرنے کے بعد آپ ایم بی اے کے ذریعےadministration میں آکر بہتر کرئیر کر سکتے ہیں۔جہاں تک روزگار کی بات ہے اس کے بھی بہت سے مواقع ہیں۔اس میںآپ فائنانس مینیجر بن سکتے ہیں۔Buisnes administrator researcher بن سکتے ہیں۔ہیومین ریسورس مینجر میں آپ جا سکتے ہیں۔اس کے ذریعے آپResearcher and Development Manager بن سکتے ہیں ساتھ ہی ساتھ آپ بزنیس کنسلٹنٹ کے طور پر بھی کام کرسکتے ہیں۔ مارکیٹنگ مینیجر کے طور پر بھی آپ روزگار حاصل کر سکتے ہیں۔ بی بی اے کرنے کے بعدایم بی اے کی ماسٹر ڈگری بھی حاصل کر سکتے ہیںاور اپنے مستقبل کو بہترین بنا سکتے ہیں۔
، ایل ۔ایل بی(L.L.B) : اگر آپ لائیر یعنی وکیل بننا چاہتے ہیں تو آپ کو ایل ایل بی کرنا ہوگا۔اس کے لیے آپ کو انٹرنس امتحان کے مراحل سے گزرنا ہوگا۔یہ مکمل کرنے کے بعدآپ اپنی ذاتی پریکٹس شروع کر سکتے ہیں یا سرکاری ملازمت حاصل کر سکتے ہیں۔
ہوٹل مینیجمیٹ(Hotel Management): یہ چار سالہ ڈگری کورس ہے۔ اس کورس کا مطلب صرف کھانا پکانا ہی نہیں ہے ہوٹل انڈسٹری میں بے شمار کام ہوتے ہیں۔ یہ ایک بہت اچھا کورس ہے اور بہت ہی Growing field ہے۔یہ ایک ایسا کورس ہے جہاں پر مندی نہیں آتی کیونکہ کچھ بھی ہو جائے انسان کھانا پینا نہیں چھوڑتا ہے ۔ہوٹل کا جو کاروبار ہے ہمیشہ چلتا رہتا ہے۔روزگار کے کافی مواقع ہیں۔
فیشن ڈیزائیننگ(Fashion Designing): فیشن ڈیزائننگ میں آپ اپناکرئیر بنانا چاہتے ہیں تو اس میںڈگری اور ڈپلومہ دونوںقسم کے کورس درکا ر ہیں۔آپ اس کورس کو بھی کر سکتے ہیں۔
بی ۔سی ۔اے(B.C.A): موجودہ زمانہ کمپیوٹر اور انٹرنیٹ کا ہے۔اس میں آپ سافٹ ویئر کیسے بناتے ہیں؟ اس کو کس طرح سے manageکرتے ہیں؟ اس کے علاوہ کمپیوٹر کی بہت سی زبانیں جیسے سی ۔ سی سی پلس، جاوا وغیرہ آپ سیکھ سکتے ہیں۔اس کے بعد آپ ایم سی اے کر سکتے ہیں۔انٹر کے بہت زیادہ استعمال کی وجہ سے اس کورس کی مانگ بڑھتی جا رہی ہے۔
ملٹی میڈیا اور اینی میشن(Multi Media & Animation): یہ بھی ایک کارآمد کورس ہے۔مختلف اینی میشن کے ذریعے سے کم وقت میں زیادہ منافع حاصل کر سکتے ہیں۔
گرافک ڈیزائننگ(Graphic Designing):یہ بھی ایک بہترین متبادل ہے۔اس میں ڈپلومہ اور سرٹیفیکیٹ کورس ہیں جو آپ کر سکتے ہیں۔
غیر ملکی زبانیں(Foregion Languages) :مترجمین کی ہر دور میں ضرورت رہی۔ ایک صفحہ کا ترجمہ کرنے کے لیے اچھی خاصی رقم مل جاتی ہے ۔دنیامیں بہت سی زبانیں بولی جاتی ہے۔اس کے لیے ڈپلومہ اور سرٹیفیکیٹ کر کے غیر ملکی زبان میں بھی اپنا کرئیر بنا سکتے ہیں۔
