کہا آئین کے حقیقی معنی تبھی حاصل ہوسکیں گے جب جمہوریت کے عمل میں ہر ایک یکساں طور پر حصہ لے
لازوال ڈیسک
جموں ؍؍ایس سی /ایس ٹی// او بی سی کنفیڈریشن کے ریاستی صدر آر کے کلسوترا نے ڈاکٹر فاروق عبداللہ کی سات ماہ بعد رہائی کا خیر مقدم کیاہے۔عبد اللہ کو پبلک سیفٹی ایکٹ پر حراست میں رکھاگیاتھا ، جو حکومت کے سخت قانون میں سے ایک سمجھا جاتا ہے۔ یہاں تک کہ آرٹیکل 370 کی منسوخی سے پہلیانہیں حکومت کی طرف سے احتیاطی حراست میں رکھاگیاتھا۔کلسوترا نے نظربندی واپس لینے اور اسے رہا کرنے کے حکومت کے فیصلے کا خیرمقدم کیا۔ اس سے یقینی طور پر پہلے کی حالت میں سیاسی عمل کا آغاز ہوگا۔ کلسوترا نے کہا کہ آئین کے حقیقی معنی تب ہی حاصل ہوسکیں گے جب جمہوریت کے عمل میں ہر ایک یکساں طور پر حصہ لے۔ کلسوترا نے محبوبہ مفتی ، عمر عبداللہ ، شاہ فیصل ، سجاد لون اور دیگر سیاسی رہنماؤں کی رہائی کا مطالبہ بھی کیا جو پبلک سیفٹی ایکٹ کی دفعات کے تحت بھی حراست میں ہیں۔ کلسوترا نے کہا کہ UT میں سیاسی نظام عدم استحکام کا شکار ہے اور نچلی سطح کی جمہوریت کی بحالی کے لئے ، UT میں سیاسی عمل کو بحال کرنے اور جمہوریت اور آئین کے نظریات کو برقرار رکھنے کے لئے سیاسی سربراہوں کو رہا کرنا مناسب ہے۔
