لازوال ڈیسک
گاندربل؍؍ترقیاتی کمشنرگاندربل شفقت اقبال نے آج قمریہ پارک گاندربل میں چنار شجرکاری مہم کا آغاز کیا۔اس موقعہ پر ایس ایس پی ،ضلع فلوریکلچر آفیسر اورڈپٹی چیف ایجوکیشن آفیسر کے علاوہ محکمہ پھولبانی کے آفیسران بھی موجود تھے۔پارک میں چنار کا پودا لگانے کے موقعہ پر ترقیاتی کمشنر نے کہا کہ چنار کشمیر کی شناخت ہے اور اس کی حفاظت کی ضرورت ہے۔انہوںنے کہا کہ پورے ضلع میں رواں موسم کے دوران چنار کے ایک ہزار پودے لگائے جائیں گے تاکہ ضلع میں سرسبز ماحول قائم ہوسکے۔ترقیاتی کمشنر نے سکولی اِنتظامیہ پر سکول کے اِحاطوں میں چنار کے پودے لگانے پر زوردیا۔
