شِو کھوڈی اور پیر کھو میں آج سے مہاشِو راتری میلے کا آغاز ہوگا

لازوال ڈیسک
جموں؍؍پیر کھو جموں میں مہاشِو راتری میلے کا آغاز 20؍ فروری 2020ء کو ہوگا اور یہ میلہ 23؍ فروری 2020ء تک جاری رہے گا جب کہ شِو کھوڈی ریاسی میں میلے کا آغاز 20 ؍ فروری ہو گا اور 22؍ فروری 2020ء تک جاری رہے گا۔میلے کا اِنعقاد محکمہ سیاحت اور ضلع انتظامیہ جموں/ریاسی کی جانب سے کیا جارہا ہے ۔ایک پریس کانفرنس کے دوران صوبائی کمشنر جموںسنجیو ورما نے لوگوں سے اپیل کی کہ وہ اِس میلے میں بڑھ چڑھ کر حصہ لیں۔پریس کانفرنس میں ناظم سیاحت جموں راجکمار کٹوچ ، ڈپٹی کمشنر ریاسی اندو کنول چب کے علاوہ دیگر افسران بھی موجود تھے۔اِس موقعہ پر بتایا گیا کہ جموں اور ریاسی اضلاع کی انتظامیہ نے میلے کے احسن انعقاد کے لئے تمام انتظامات کئے ہیں ۔میلے کے دوران کئی سرگرمیاں عمل میں لائی جارہی ہے۔صوبائی کمشنر نے میلے کے کامیاب انعقاد کے لئے اس کی تشہیر پر زو ردیا۔