نئی دہلی،11فروری(یواین آئی)دہلی اسمبلی انتخابات کی 70سیٹوں کے 11بجے تک موصول رحانات کے مطابق عام آدمی پارٹی (آپ)ایک بار پھر بڑی جیت کی سمت بڑھ رہی ہے۔سبھی 70سیٹوں کے موصول رجحانوں کے مطابق آپ 52اور بی جےپی18سیٹوں پر آگے ہے جبکہ کانگریس کی جھولی ابھی خالی ہے۔
نئی دہلی اسمبلی سے وزیراعلی روند کیجریوال بی جےپی امیدوار سنیل کمار یادو سے 4387ووٹوں سے سبقت بنائے ہوئے ہیں۔پٹپڑگنج سیٹ سے نائب وزیراعلی منیش سیسودیا صرف 74ووٹوں سے آگے ہیں۔
شاہدرا سے اسمبلی اسپیکر رام نیواس گوئل بی جےپی کے سنجے گوئل سے 1203ووٹوں سے پیچھے ہیں۔شکور بستی سے وزیر صحت ستیندر جین بی جےپی کے ایس سی وتس سے 51ووٹوں سے پیچھے ہیں۔شالی مار باغ سے بی جےپی کی ریکھا گپتا آپ کی وندن کماری سے 1203ووٹوں سے آگے ہیں۔منڈکا سے بی جےپی کے آزاد سنگھ آپ کے دھرم پال لاکڑا سے 1442ووٹوں سے آگے ہیں۔بوانا(ریزرو)سےبی جےپی کے رویندر کمار آپ کے جےبھگوان سے 8998ووٹوں سے آگے ہیں۔چاندنی چوک سے آپ کے پرہلاد ساہنی کانگریس کی الکا لامبا سے 12273ووٹوں سے آگے ہیں۔
مصطفی آباد سے بی جےپی رکن اسمبلی جگدیش پردھان آپ کے حاجی یونس پر 19974ووٹوں سبقت بنا لی ہے۔
