یو این آئی
ممبئی؍؍ بالی وڈکی باربی گرل کیٹرینہ کیف سپرہیرو پر مبنی فلم میں کام کرسکتی ہیں۔ بالی وڈ میں یہ قیاس آرائی ہے کہ علی عباس ظفر ایک سپر ہیرو فلم لکھ رہے ہیں جس کی وہ ہدایتکاری اور پروڈکشن بھی کریں گے ۔ اس فلم میں کٹرینہ کیف مرکزی کردار ادا کرتی نظر آئیں گی۔ بتایا جا رہا ہے کہ کٹرینہ اس رول کے لئے نہایت موزوں ہیں۔بتایا جا رہا ہے کہ فلم میں اب تک کے سب سے زیادہ شاندار اسٹنٹ ہوں گے جنہیں کسی بھی خاتون آرٹسٹ کی جانب سے کرتے ہوئے پہلے نہیں دکھایا گیا ہے ۔ علی اس وقت فلم کی اسکرپٹ کو حتمی شکل دے رہے ہیں اور اسے مکمل کرنے کے بعد وہ گراؤنڈ ورک پر کام مکمل کریں گے ۔
