بیجنگ؍؍چین نے کوروناوائرس کی وبا سے تمام غیر ملکی شہریوں کے تحفظ کی یقین دہانی کرائی ہے ۔چین کے وزیر خارجہ وانگ یی نے جنوبی کوریا کے وزیر خارجہ ‘کانگ کیونگ وہا’ سے بدھ کو بات کی اور انہیں تمام غیر ملکی شہریوں کے تحفظ کی یقین دہانی کرائی۔چین کی وزارت خارجہ نے ایک بیان میں کہا‘‘وانگ یی نے اس بیماری سے لڑنے میں مدد کی پیشکش کرنے کے لئے جنوبی کوریا کے اپنے ہم منصب کا شکریہ اداکیا اور اس بات پر زور دیا کہ چین بین الاقوامی برادری کے ساتھ ذمہ داری کا احساس اور کشادگی کے اصولوں پر عمل کرنے کے ساتھ تعاون کو مضبوط کرنا جاری رکھے گا’’۔قابل ذکر ہے کہ کوروناوائرس کا پہلا معاملہ چین کے شہر ووہان میں گزشتہ سال دسمبر کے آخر میں سامنے آیا تھا۔ چین کے نیشنل ہیلتھ کمیشن کے مطابق چین میں اب تک 132 افراد ہلاک ہو چکے ہیں اور 5،900 سے زیادہ لوگوں میں اس وائرس کا انفیکشن پایا گیا ہے ۔
