چنڈی گڑھ؍؍شمال مغربی خطے میں اگلے 24گھنٹوں کے دوران ہلکی بارش ہونے اور شدید کہرے کا امکان ہے ۔محکمہ موسمیات کے مطابق خطے میں کل تک ہلکی بارش،ہریانہ میں کہیں کہیں سرد لہر اور علاقے میں اگلے دو دن کہیں کہیں شدید کہرے کے آثار ہیں۔پچھلے 24گھنٹوں میں علاقے میں بارش ہوئی۔چنڈی گڑھ آٹھ ملی میٹر،امبالہ دو ملی میٹر،کرنال آٹھ ملی میٹر،روہتک ایک ملی میٹر،امرتسر 21ملی میٹر،لدھیانہ دو ملی میٹر،پٹیالہ دو ملی میٹر،پٹھانکوٹ 16ملی میٹر،آدم پور چار ملی میٹر،ہلوارا چار ملی میٹر،گرداس پور 13ملی میٹر تک بارش ہوئی اور پارے میں ہلکی گراوٹ آئی۔چنڈی گڑھ،امبالہ کا پارہ دس ڈگری،حصار اور نارنول کا پارہ چار ڈگری،کرنال سات ڈگری،روہتک اور سرسہ چھ ڈگری،امرتسر نو ڈگری،لدھیانہ آٹھ ڈگری،پٹیالہ نو ڈگری،آدم پور،ہلوارا کا پارہ آٹھ ڈگری ،گرداس پور سات ڈگری اور فرید کوٹ 10ڈگری رہا۔دہلی میں آٹھ ملی میٹر بارش ہوئی اور پارہ 10ڈگری،سرینگر صفر ڈگری اور جموں میں 22ملی میٹر بارش اور آٹھ ڈگری رہا۔ہماچل پردیش میں تازہ برفباری سے معمولات زندگی متاثرہوئی۔برفباری کے دوران ایک کار پھسل کر کھائی میں گرنے سے دو لوگوں کی موت ہوگئی اور سیکڑوں سڑکیں بند ہوگئی ہیں جس سے لوگوں کی آمدورفت ٹھپ ہوکر رہ گئی ہے ۔قبائلی ضلع لاہول سپیتی میں شدید بارش کی وجہ سے برفباری ہونے کا خدشہ ظاہر کیا جارہا ہے ۔سیاحتی مقام پر کفری میں بسیں پھسنے سے 69سواریوں کو برفباری کے بیچ دن گزارنا پڑا۔راحت اور بچاؤ مہم کے دوران انہیں نکالا گیا۔
