ممبئی ، 29 جنوری (یو این آئی) بالی و ڈ کے سنگھم اسٹار اجے دیوگن کی آنے والی فلم ’میدان‘ کا فرسٹ لک جاری ہوگیا ہے۔
اجے دیوگن کی حال ہی میں منظرعام پر آئی فلم تاناجی: دی انسنگ وارئیر 200 کروڑ روپے سے زائد کی آمدنی کرچکی ہے۔
وہ فلم کی کامیابی سے کافی خوش ہیں۔
فلم کی ریلیز کے ساتھ ہی اجے اپنے اگلے پروجیکٹس میں مصروف ہوگئے ہیں ۔
اجے ہندوستانی فٹ بال ٹیم کے کوچ سعید عبدالرحیم کی زندگی پر مبنی فلم میدان میں کام کر رہے ہیں۔
اس فلم کا فرسٹ لک بھی منظر عام پر آگیا ہے۔
اجے دیوگن نے اسے اپنے سوشل میڈیا پر شیئر کیا ہے اور اسی کے ساتھ انہوں نے فلم کی ریلیز کی تاریخ کا بھی اعلان کردیا ہے۔
اجے دیوگن نے لکھا ’’میدان کے لئے ہوجائیے تیار 27 نومبر 2020‘‘۔
اہم بات یہ ہے کہ فلم میدان حقیقی واقعات پر مبنی ہے جس کی ہدایت کا کام امیت شرما کررہے ہیں۔
سعید عبدالرحیم 1950 سے 1963 تک فٹ بال ٹیم کے کوچ رہے ہیں جنہیں جدید ہندوستانی فٹ بال کا معمار بھی کہا جاتا ہے۔
فلم میں ان کا کردار اجے دیوگن نبھائیں گے۔
