حیدرآباد (یواین آئی)آندھراپردیش کابینہ کا اجلاس 27جنوری کووزیراعلی وائی ایس جگن موہن ریڈی کی زیرصدارت منعقد ہوگا جس میں قانون ساز کونسل کو برخواست کرنے کے مسئلہ پر فیصلہ کیاجائے گا۔اسی روز اسمبلی سیشن کی توسیع بھی کی جائے گی جس میں سیاسی لیڈران کونسل کو تحلیل کرنے کے مسئلہ پر مباحث میں حصہ لیں گے ۔پہلے ہی وزیراعلی جگن نے اس مسئلہ پر اسمبلی میں بیان دیا ہے ۔واضح رہے کہ ریاست کے تین دارالحکومتوں کے قیام کے مسئلہ پراسمبلی میں بل کی منظوری کے بعد قانون ساز کونسل میں اس بل کو منظور نہیں کروایاجاسکاجہاں اپوزیشن تلگودیشم کی اکثریت ہے ۔کونسل کے صدرنشین محمد شریف نے اس بل کو سلکٹ کمیٹی سے رجوع کردیا ہے ۔اب حکومت چاہتی ہے کہ قانون ساز کونسل کو ہی تحلیل کردیاجائے
