چھد کے گئی ہے طنز کے نیزے کی اَنی دل

بشیر چراغ
نئی دہلی۔7290939184

کب تک بھلا انگیز کرے دل شکنی دل

اس آئینے میں خاک کی تاثیر ہے لازم
ہو چشم ہوس ناک تو کیسے ہو غنی دل

جس خاک سے آدم کو بنایا تھا خدا نے
وہ خاک مرے سوزِ جگر سے ہی بنی دل

دراصل یہ رفتار نہیں، جادئہ خوں پر
طے کر رہا ہے مرحلۂ جان کنی دل

نا چھوڑ نہ دے ناز کا ہتھیار ستم گر
کرتا نہیں ظاہر کسی پر خستہ تنی دل

تیشے کی صدا آرہی ہے سانس سے میری
کرتا ہے چراغؔ اب بھی میرا کوہ کنی دل
٭٭٭