نئی دہلی، ( یواین آئی) صدر جمہوریہ رام ناتھ کووند نے اتر پردیش کے یوم تاسیس کے موقع پر ریاستی باشندوں کو مبارک باددی ہے ۔ مسٹر کووند نے جمعہ کو ٹوئٹر پر اپنے تہنیتی پیغام میں لکھا‘‘ اتر پردیش کے یوم ِ تاسیس پر ریاست کے تمام باشندوں کو دل کی گہرائیوں سے مبارکباد ۔ اتر پردیش ہندوستان کا دل ہے ۔ مذہب، ثقافت، ادب، سیاست، ہنر کا چشمہ یہیں سے پھوٹتا ہے ۔ میں دعاکرتا ہوں کہ ریاست مسلسل تعمیر و ترقی کی راہ پر آگے بڑھے ’’ ۔ واضح ر ہے کہ اتر پردیش کا قیام 24 جنوری 1950 کو ہوا تھا ۔ یواین آئی
