یو این آئی
حیدرآباد؍؍اے پی اسمبلی کے اسپیکر ٹی سیتارام اچانک ایوان چھوڑ کر چلے گئے ۔اسمبلی کے خصوصی سیشن کے دوسرے دن کی کارروائی کے موقع پر حکومت نے ایوان میں ایس سی کمیشن بل پیش کیا۔جیسے ہی اس بل پر مباحث کا آغاز ہوا،تلگودیشم کے ارکان اسمبلی نے شوروغل کرتے ہوئے ایوان کی کارروائی میں رخنہ ڈالا۔ایوان کی کارروائی کو منظم انداز میں چلانے کے سلسلہ میں تعاون کرنے اور اپنی نشستوں پر واپس ہونے اصل اپوزیشن جماعت کے ارکان سے اسپیکر کی جانب سے کئی گئی اپیلیں رائیگاں ثابت ہوئیں جنہوں نے حکومت کی جانب سے ریاست میں تین دارالحکومتوں کے قیام کے بل کی منظوری کے خلاف اپنا احتجاج جاری رکھا۔تلگودیشم کے ارکان جئے امراوتی کے نعرے لگاتے ہوئے اسپیکر کے پوڈیم کے قریب جمع ہوگئیتلگودیشم کے ارکان جئے امراوتی کے نعرے لگاتے ہوئے اسپیکر کے پوڈیم کے قریب جمع ہوگئے ۔اسپیکر نے ان ارکان کے رویہ پر برہمی ظاہر کی اور کہاکہ تلگودیشم کے ارکان اسمبلی کے رویہ پر وہ احتجاج کررہے ہیں جو بار بار ایوان کی کارروائی میں خلل پیداکررہے ہیں۔ یہ کہتے ہوئے وہ برہمی کے عالم میں ایوان چھوڑ کر چلے گئے ۔
