یواین آئی
پیرس// فرانس کے صدر امانوئل میکرون کو پیرس کے ‘بوفیس ڈونارڈ تھیٹر ’ سے اس وقت سیکورٹی فورسز نے بحفاظت باہر نکالا جب مظاہرین بلڈنگ میں جبراً گھسنے کی کوشش کر رہے تھے ۔فرانس کی میڈیا رپورٹ میں یہ اطلاع دی گئی ہے ۔ بی ایف ایم ٹی وی نشریات کے مطابق مسٹر میکرون تھیٹر میں اپنی اہلیہ برجیٹ کے ساتھ جمعہ دیر رات یہاں آئے تھے اور اسی دوران مظاہرین تھیٹر کے پاس جمع ہو گئے ۔ مظاہرین نے عمارت کے اندر گھسنے کی کوشش کی لیکن سیکورٹی فورسز نے انہیں اندر جانے سے روکتے ہوئے صدر میکرون کے لئے سیکورٹی گھیرا بنایا اور انہیں دوسری طرف سے بحفاظت باہر نکال لیا۔قابل غور ہے کہ فرانس حکومت کی پنشن اصلاحات پالیسیوں کے خلاف اپنی ناراضگی جتانے کیلئے گذشتہ 5 دسمبر سے لاکھوں افراد مظاہرہ کر رہے ہیں اور اسی کڑی میں نقل و حمل کے سیکشن میں کام کرنے والے ورکرز بھی ہڑتال پر ہیں جس سے عام شہریوں کو ٹریفک سے متعلق زبردست پریشانیوں کا سامنا کرنا پڑ رہا ہے ۔اسپوتنک
