مگرحملوں کا تباہ کن جواب دے گا: ترجمان حکومت
تہران؍؍ایرانی حکومت کے ترجمان نے کہا ہے کہ ایران جنگ نہیں چاہتا ہے لیکن وہ کسی بھی جارحیت کا تباہ کن جواب دے گا۔ترجمان علی ربیعی نے عراق میں امریکی فوج کے اڈوں پر ایران کے میزائل حملے کے چند گھنٹے کے بعد بدھ کو ٹویٹر پر ایک بیان جاری کیا ہے اور ا س میں کہا ہے:’’ہم پاسداران انقلاب کے کامیاب آپریشن پر شکرگزار ہیں۔ہم کبھی جنگ نہیں چاہتے لیکن کسی بھی جارحیت کا مْنھ توڑ جواب دیا جائے گا۔‘‘ایرانی وزیر خارجہ جواد ظریف نے بھی ایک بیان میں عراق میں امریکی اہداف پر حملے کی تصدیق کی ہے۔انھوں نے کہا کہ ایران نے اپنے اعلیٰ کمانڈر قاسم سلیمانی کی ہلاکت کے بدلے میں عراق میں اپنی کارروائی مکمل کر لی ہے اور عراق میں امریکی فورسز پر میزائل حملہ کیا ہے۔
