لازوال ڈیسک
جموں؍؍جی ڈی سی تھنہ منڈی کے این ایس ایس یونٹ نے’پریکشا پہ چرچا‘ پر ایک پروگرام کا انعقادکیاجسے مختلف چینلز کے ذریعے براہ راست نشر کیا گیا۔ این ایس ایس کے رضاکاروں کی ایک بڑی تعداد نے کالج کے فیکلٹی ممبران کے ساتھ اس پروگرام کو بڑے صبر کے ساتھ دیکھا جس میں وزیر اعظم نریندر مودی نے طلباء کے ساتھ بات چیت کی اور ان کے آنے والے امتحانات کے لیے تجاویز شیئر کیں ۔واضح رہے اس خیال کا مقصد نوجوان ذہنوں کے تناؤ کو دور کرنا ہے جو کالجوں اور یونیورسٹیوں میں بورڈ کے امتحانات اور دیگر داخلہ امتحانات میں شرکت کرنے والے ہیں۔ اس لائیو ٹیلی کاسٹ میں مختلف اداروں کے طلباء نے اپنی اختراعات اور ٹیلنٹ کو شیئر کیا۔ طلباء سے بات چیت کرتے ہوئے وزیراعظم نریندر مودی نے کہا کہ وہ تمام سوالات کو حل کرنے کے قابل نہیں ہوسکتے ہیں لیکن طلباء کے سوالات کو حل کرنے کے لئے مختلف چینل بنائیں گے۔
