اردو کے لئے عمر فرحت سرفراز،ہندوستان کی 24 زبانوں کے ادباء کو بھی ایوارڈ سے نوازا گیا
عمرارشدملک
راجوری؍؍تقسیم ساہتیہ اکیڈمی یووا ایوارڈ ایس آر ایم یونیورسٹی کے آڈیٹوریم میں (30) تیس مارچ کو منعقد ہوا جس کی صدارت اکیڈمی کے چیئرمین پروفیسر چندر شیکھر کمبار نے کی جبکہ مہمان خصوصی کے طور پر مشہور و معروف تامل ادیب جناب ایس راما کرشنا نے شرکت کی۔ جموں و کشمیر کے ضلع راجوری سے تعلق رکھنے والے نوجوان شاعر عمر فرحت کو اردو کے لئے ساہتیہ اکیڈمی یووا ایوارڈ سے نوازا گیا۔ واضح رہے کہ ساہیتہ اکیڈمی ایوارڈ برائے اردو جموں کشمیر میں پہلی بار کسی کو ملا ہے۔ اس کے علاوہ ہندوستان کی 24 زبانوں کے ادیبوں کو بھی اس ایوارڈ سے سرفراز کیا گیا۔
