روس کے گیس فیلڈ میں آگ،دوہلاک

یو این آئی

کھانٹی مانسیسک//روس کے جزیرے نما یامال میں نوواٹیک کمپنی کے ایسٹ ٹارکوسالینسکوئے گیس فیلڈ میں ہفتے کواچانک آگ لگنے سے دو افراد کی موت ہوگئی ۔روس کی ہنگامی صورت حال کی وزارت نے یہ اطلاع دی ہے ۔وزارت کے ایک ترجمان نے بتایا ‘‘نوواٹیک کی پرائیویٹ فائربریگیڈ سروس نے آگ کو بجھا دیا ہے ۔کریز اٹھانے والی گاڑی میں آگ لگنے سے دو افراد کی موت ہوگئی اور ایک دیگر جھلس گیا۔’’انہوں نے بتایا کہ آگ میں تین اور گاڑیاں تباہ ہوگئی ہیں۔حادثے کے وقت بورہول کا کام بند کردیاگیا تھا۔حادثے کی وجہ معلوم نہیں ہوسکی ہے ۔نوواٹیک کمپنی 1994سے ایسٹ ٹارکوسالینسکوئے گیس فیلڈکی ترقی کے کام کررہی ہے ۔