شمیم نازکی کی بحیثیت وارڈن گجربکروال گرلزہوسٹل جموں تقرری کاحکمنامہ منسوخ کیاجائے
لازوال ڈیسک
جموں؍؍ڈوڈہ گجرہوسٹل میں بحیثیت وارڈن رہتے ہوئے تنازعات میں گھیری شمیم نازکی جموں کے گجربکروال پی جی ہوسٹل میں بھی کئی تنازعوں کوجنم دے چکی ہیں جن کیخلاف وہاں کے طلباکئی دِنوں تک احتجاج کرتے رہے،بھوک ہڑتال بھی کی،تاہم اب حکومت ان محترمہ پراس قدر مہربان ہے کہ انہیں گجربکروال گرلز ہوسٹل جموں میں تعینات کیاجارہاہے، جہاں ذرائع کے مطابق وہ سالِ نویعنی یکم جنوری2020سے اپناعہدہ سنبھالنے جارہی ہیں لیکن گرلز ہوسٹل کی معصوم بچیاں آج سے ہی خوفزدہ ہیں کیونکہ موصوفہ کئی تنازعات واپنے برتائوکیلئے بدنام رہی ہیں اور ہوسٹل کی بچیوں کوخدشہ ہے کہ جس وارڈن نے پی جی ہوسٹل میں کالج ویونیورسٹی کے طلباکوبھوک ہڑتال واحتجاج پرمجبورکردیاوہ ان معصوم بچیوں جوچھٹی جماعت سے بارہویں تک کی ہیں‘کیساتھ کیاسلوک کرے گی؟۔مذکورہ بالا ہوسٹل کے لئے شمیم نازکی کی بطور ہوسٹل وارڈن کی تقرری منسوخ کرنے کے اپنے مطالبے کے تسلسل میں ، طالبات نے ہفتے کے روز پریس کو مخاطب کیا اور حکام سے مداخلت کرنے اور اس عہدے کے بجائے کسی اور کی تقرری کے لئے کہا ۔یہاں یہ ذکر کرنا ضروری ہے کہ شمیم نازکی جو اس سے قبل گوجر بکروال بوائز ہاسٹل میں وارڈن کا عہدہ سنبھال رہی تھی ، کچھ عرصہ کے لئے ان کے خلاف کچھ احتجاج کی وجہ سے خبروں میں رہی تھی ، جو لڑکوں کے ہاسٹل کے طلباء نے کھانے کے معیار کے بارے میں انہیں کٹہرے میں کھڑاکیاتھا۔میڈیاسے خطاب کرتے ہوئے اپنی ساتھیوں کے ہمراہ نسرین اختر نے الزام عائد کیا شمیم نازکی کی سندیں قابل اعتراض ہیں، طالبات نے الزام لگایا کہ مذکورہ وارڈن کے طرز عمل سے طلباء میں خوف لاحق ہے کیوں کہ اس سے قبل اس نے لڑکوں کے ہاسٹل کے طالب علموں کو تشدد کا نشانہ بنایا ہے۔ انہوں نے کہا کہ حیرت کی بات یہ ہے کہ پی جی کے طالب علم کو دہشت گرد قرار دینے کی حد تک جاپہنچی تھیں۔طلباء نے میڈیا کو مزید یاد دلاتے ہوئے کہا کہ گوجر بکروال بوائز ہاسٹل ڈوڈہ کی وارڈن کی حیثیت سے اس کے دور میں ان پر عائد بدعنوانی اور ہراساں کیے جانے کے بارے میں معاملات ابھی بھی زیربحث ہیں۔واضح رہے کہ سخت مخالفت کے باوجود ٹرائبل افیئرز محکمہ میں شمیم نازکی کیلئے اِتنی دریادِلی اورہمدردی حیران کن ہے، جب طلباوطالبات ان کے برتائو اور کام کاج سے مطمئن نہیں ، سوال پہ سوال اُٹھارہے ہیں توپھریہ انتہائی حیران کن ہے کہ کمشنر سیکریٹری ٹرائبل افئرز ڈیپارٹمنٹ کیوں کر انہیں بار بار پرائز پوزیشن دے رہے ہیں؟۔
