یو این آئی
حیدرآباد//بیٹی کی شادی سے پہلے باپ کی موت ہوگئی۔یہ واقعہ اے پی کے ضلع نیلور کے نائیڈو پیٹ میں پیش آیا۔تفصیلات کے مطابق 56سالہ یزدانی باشاہ فینسی دکان چلاتے تھے ،انہوں نے اپنی بیٹی سائرہ بانوکی اس ماہ کی 22تاریخ کو ہونے والی شادی کے لئے تمام انتظامات کئے تھے ا ورشادی کے کارڈس بھی تقسیم کئے جاچکے تھے ۔گھر میں جشن کا ماحول تھا تاہم شادی سے پہلے وہ بیمار پڑ گئے اور ان کو علاج کے لئے اسپتال منتقل کیا گیا تاہم بہتر علاج کے لئے ان کو چینئی کے ایک اسپتال لے جایا گیاجہاں انہوں نے شادی سے پہلے آخری سانس لی۔باپ کی موت کے باوجود بھی ان کے ارکان خاندان نے ان کی بیٹی کی شادی کردی اور نکاح کے بعد ہی دلہن کو اطلاع دی گئی کہ ان کے والد کا انتقال ہوگیا ہے ۔اس طرح ان کے انتقال کے بعد شادی کے گھر میں ماتم چھاگیا۔
