رانچی،23دسمبر(یواین آئی)جھارکھنڈ اسمبلی انتخابات کی جاری گنتی میں جھارکھنڈ مکتی مورچہ کے امیدوار ہیمنت سورین برہیٹ میں اپنے نزدیکی حریف بھارتیہ جنتاپارٹی کے سمون مالٹو سے جہاں 1672ووٹوں سے آگے چل رہے ہیں وہیں دمکا میں وہ بی جےپی کے لوئن مرانڈی سے 6329ووٹوں سے پیچھے ہیں۔
ریاستی الیکشن دفتر کے مطابق،ریاست کی 81سیٹوں کےلئے جاری ووٹوں کی گنتی کے شروعاتی مرحلے میں مسٹر سورین کو برہیٹ سیٹ پر 6698ووٹ حال ہوئے ہیں وہیں ان کے نزدیکی حریف بی جےپی کےسمون مالٹو کو 5026 ووٹ ملے ہیں۔حالانکہ مسٹر سورین دمکاسیٹ پر بی جےپی کے ڈاکٹر مرانڈی سے 6329ووٹوں سے پیچھے چل رہے ہیں۔دمکا میں ڈاکٹر مرانڈی کو جہاں 13977ووٹ ملے وہیں مسٹر سورین کو5620ووٹ حاصل ہوئے ہیں۔
واضح رہے کہ سال 2014کے اسمبلی الیکشن میں بھی مسٹر سورین نے دمکا اور برہیٹ سیٹ سے الیکشن لڑا تھا لیکن جہاں وہ برہیٹ سے جیتے وہیں دمکا سے ہار گئےتھے۔اس الیکشن میں بھی مسٹر سورین کو بی جےپی امیدوار ڈاکٹر لوئس مرانڈی نے 4914ووٹ کے فرق سے ہرا دیاتھا۔
