فلوریڈا؍؍چین کے ساتھ لمبے وقت سے چلی آرہی ‘تجارتی جنگ’ کے درمیان امریکہ کے صدر ڈونلڈ ٹرمپ نے کہا ہے کہ امریکہ جلد ہی چین کے ساتھ تجارتی معاہدے پر دستخط کرے گا۔مسٹر ٹرمپ نے یہاں منعقد ایک پروگرام کے دوران کہا،‘‘ہم نے حال ہی میں تجارتی معاہدے کے سلسلے میں اتفاق قائم کیا ہے اور جلد ہی معاہدے پر دستخط بھی کریں گے ۔’’صدر کے مطابق چین سے درآمدات سامانوں پر امریکہ کے ذریعہ کی گئی سخت کارروائی نے تجارتی معاہدے میں پیش رفت حاصل کرنے میں مدد کی ہے ۔واضح رہے کہ دونوں ملک حال ہی میں ایک بڑے دوطرفہ تجارتی معاہدے کے پہلے مرحلے پر پہنچے ہیں جس پر جنوری کی شروعات میں دستخط ہونے کی امید ہے ۔یہ معاہدہ امریکہ اور چین کے درمیان طویل عرصے تک چلنے والی تجارتی جنگ کو عبوری طورپر حل کرنے میں مدد کرے گا جس کی وجہ سے دونوں ملکوں کے کئی ارب ڈالر کا نقصان ہواہے ۔
