قندھار؍؍افغانستان کے جنوبی قندھار صوبہ کے شورش زدہ ضلع شاہ ولی کوٹ میں گزشتہ 24 گھنٹے کی صفایا مہم کے دوران فوج نے فضائیہ کے لڑاکا طیاروں کی مدد سے 25 سے زائد دہشت گردوں کو مار گرایا۔ فوج کی جانب سے بدھ کو جاری بیان کے مطابق لڑاکا طیاروں کی مدد سے منگل کی صبح سے ضلع شاہ ولی کوٹ کے کچھ حصوں میں دہشت گردوں کے خلاف یہ مہم چلائی گئی جس میں کئی دہشت گرد زخمی بھی ہوئے ہیں۔ جانی نقصان کی ممکنہ تعداد کے بارے میں معلومات دیئے بغیر بیان میں ذکر کیا گیا ہے کہ مہم اس وقت تک چلے گی جب تک کہ مسلح دہشت گردوں سے علاقہ مکمل طور خالی نہیں ہو جاتا۔اس صوبہ کے مختلف حصوں میں سرگرم طالبان دہشت گردوں نے اس حملہ کے سلسلہ میں ابھی تک بیان نہیں دیا ہے ۔
