لازوال ڈیسک
جموں؍؍ڈوگرہ لاء کالج میں یوم حقوق انسانی جوش و جذبے کے ساتھ منایا گیا۔ ڈوگرہ لا ء کالج کی اساتذہ محترمہ اپسانہ کلگوترا نے ’’انسانی حقوق کے فروغ اور تحفظ میں ہندوستانی عدلیہ کے کردار‘‘پر ایک مقالہ پیش کیا۔ اسپیکر نے سپریم کورٹ کے طے شدہ مقدمات کی مدد سے انسانی حقوق فقہ کو وسعت دینے میں عدلیہ کے کردار کی وضاحت کی۔ انہوں نے انسانی حقوق کے معنی اور تاریخی تناظر میں انسانی حقوق کو دیئے گئے تحفظ کی بھی وضاحت کی۔ طلباء نے بحث و مباحثے میں بڑھ چڑھ کر حصہ لیا۔ لیکچر میں ڈوگرہ لا کالج کے طلباء ، ڈوگرہ ایجوکیشنل ٹرسٹ کے چیف کوآرڈی نیٹر ، ڈاکٹر کلونت سنگھ کے ہمراہ ڈوگرہ لا کالج کے عملہ نے شرکت کی۔ بات چیت کے دوران ملک میں انسانی حقوق کی ترقی کی موجودہ صورتحال پر سبریمالا ٹیمپل کیس ، ایودھیا رام جنم بھومی کیس ، آرٹیکل 370 اور ٹرپل تلک فیصلے جیسے امور کے ذریعہ اسی تجزیے پر تبادلہ خیال کیا گیا۔قبل ازیں ڈوگرہ لا کالج کے پرنسپل پروفیسر وی پی مگوترا نے عالمی یوم حقوق کی اہمیت کے بارے میں بات کی اور بین الاقوامی اور قومی سطح پر انسانی حقوق کو دیئے گئے تحفظ کی وضاحت کی۔ ڈوگرہ لا کالج کی فیکلٹی محترمہ اشنا بھاسن نے شکریہ ادا کیا۔
