رات کے اوقات میں عوامی جگہ پر ضرورت مند عورت کیلئے خصوصی گاڑی
لازوال ڈیسک
جموں؍؍ضلع پولیس جموں نے وومن پولیس ہیلپ لائن گاڑی کا آغاز کیا ہے جس میں مذکورہ گاڑی ڈسٹرکٹ پولیس لائن میں رات 10 بجے سے صبح 5 بجے تک خدمت کے لئے موجود رہے گی۔ مذکورہ گاڑی کا مقصد کسی خاتون / لڑکی کو ان کی منزل تک لے جانا ہے بشرطیکہ مذکورہ لڑکی / خاتون اکیلی ہوں اور ریلوے اسٹیشن یا بس اسٹینڈ پہنچنے پر پبلک ٹرانسپورٹ میں چلنا غیر محفوظ محسوس کریں۔ اس کے ساتھ ہمیشہ دو خواتین پولیس عہدیدار رہیں گے۔ نیز اگر لڑکی / عورت پبلک ٹرانسپورٹ میں سوار ہوگئی ہے یا اگر اسے کسی بھی قسم کا خطرہ ہے۔ دونوں صورتوں میں * * * 100 * یا * 1091 * اس طرح کی کالوں پرفوراً جواب دیں گے۔خواتین ہیلپ لائن گاڑی سروس اتوار سے شروع ہوگی اور ابتدائی طور پر جموں شہر کو میونسپلٹی کی حدود میں رہے گی۔ مستقبل قریب میں اسے دیہی تک بڑھایا جائے گا۔
