عمرارشدملک
راجوری ؍؍سرکاری حکم نامہ کے تحت نظیر شیخ نے ضلع ترقیاتی کمشنر راجوری کے عہدے کا چارج سنبھالا۔ اس موقع پر سابقہ ضلع ترقیاتی کمشنر محمد اعجاز اسد نے نئے ضلع ترقیاتی کمشنر نظیر شیخ کا خیرمقدم کرتے ہوئے چارج ان کے حوالے کیا۔ وہیں ڈی سی دفتر کے دیگر ملازمین نے بھی نئے ضلع ترقیاتی کمشنر راجوری کا خیرمقدم کیا۔ نظیر شیخ نے راجوری ضلع میں پہلے بھی تین الگ الگ محکموں میں فرائض انجام دئے ہیں اور گزشتہ 1 سال سے ڈائریکٹر پنچایت راج کے عہدے پر تعینات تھے اور اب سرکاری حکم نامہ کے تحت انہوں نے ضلع ترقیاتی کمشنر راجوری کے عہدے کا چارج سنبھالا ہے۔وہیں سابقہ ڈی سی اعجاز اسد نے ضلع کے چھوٹے بڑے سب ملازمین کا شکریہ ادا کیا۔ اس موقع پر ایڈیشنل ڈی سی شیر سنگھ، ائے سی آر محمد اشرف، ڈپٹی الیکشن آفیسر راجوری، ڈپٹی ڈائیریکٹر پلاننگ بلال میر، ضلع پنچایت آفیسر راجوری ڈاکٹر عبدلخبیر اور دیگر ضلع و سیکٹر سطح کے آفیسران بھی خاص طور پر موجود تھے۔
