نئی دہلی، (یو این آئی) راجستھان کے مانو آدتیہ سنگھ راٹھور اور انوشکا سنگھ بھاٹی نے یہاں ڈاکٹر کرني سنگھ شوٹنگ رینج میں چل رہی 63 ویں شاٹ گن قومی نشانے بازی چمپئن شپ میں ہفتہ کو ٹریپ مکسڈ ٹیم خطاب جیت لیا۔مانو آدتیہ کا دو دن میں یہ تیسرا طلائی تمغہ ہے ۔ مانو آدتیہ نے اس سے پہلے جونیئر ٹریپ خطاب اور مرد ٹیم ٹریپ خطاب جیتا تھا۔مانو آدتیہ اور انوشکا نے مدھیہ پردیش کے پریاش پانڈے اور منیشا کیر کو ٹائی شوٹ میں 3-2 سے شکست دے کر طلائی جیتا۔ دونوں ٹیموں کا مقررہ 50 شاٹ میں 37 کا اسکور رہا تھا۔ہریانہ نے جونیئر مکسڈ ٹیم ٹریپ خطاب جیتا۔ ہریانہ کی جوڑی بھونیش اور بیم نے دہلی کی جوڑی کبیر شرما اور کیرتی گپتا کو 47-40 سے شکست دی۔
