سپریم کورٹ کےسب سے سینئرجسٹس شرد اروند بوبڈے نے آج ملک کے 47ویں چیف جسٹس کی حیثیت سے عہدے کا حلف لیاہے۔ صدرجمہوریہ رام ناتھ کووند نے راشٹرپتی بھون کے تاریخی دربارہال میں منعقدہ حلف برداری تقریب میں جسٹس شرد اروند بوبڈے کو عہدے اور رازداری کا حلف دلوایا۔ 63 سالہ جسٹس بوبڈے نے سبکدوش جج چیف جسٹس رنجن گوگوئی کی جگہ لی ہے جو آج ریٹائر ہوگئے۔ جسٹس بوبڈے 17 مہینے تک سپریم کورٹ کے چیف جسٹس کے عہدے پر فائز رہیں گے اور23 پریل 2021 کوریٹائرہوں گے۔ ان کا تعلق مہاراشٹر کے وکیل خاندان سے ہے۔ ان کے والد اروند شری نواس بوبڈے بھی مشہور وکیل تھے 24 اپریل 1956 کو مہاراشٹر کے ناگپور میں پیدا ہونے والے جسٹس بوبڈے نے ناگپور یونیورسٹی سے آرٹ اورقانون میں گریجویشن کیا تھا۔
