شری گنگا نگر؍؍راجستھان کے ضلع ہنومان گڑھ کے گوگامیڑي تھانہ علاقہ میں لڑکوں کی طرف ایک دوشیزہ کی عصمت دری کرنے کا معاملہ سامنے آیا ہے ۔ تھانہ انچارج مہندر کمار نے آج بتایا کہ علاقے میں دو لڑکوں کی جانب سے گیارہ سالہ لڑکی کی اجتماعی عصمت دری کرنے کا معاملہ درج کرایا گیا ہے ۔ ایف آئی آر کے مطابق لڑکی گذشتہ 23 اکتوبر کی دیر شام کو اپنے گھر کی پالتو گائے گم ہو جانے پر اسے ڈھونڈتے ہوئے پاس کے کھیتوں میں گئی تھی ۔ دو لڑکوں لڑکی کو دور ایک ویران کھیت میں لے گئے اور اس کی باری باری عصمت دری کی ۔ اس دوران لڑکی کو اس کے اہل خانہ والے تلاش کرنے لگے ۔ رات کو دیر سے لڑکی گھر واپس آئی اور اپنے ساتھ ہوئے واقعہ کے تعلق سے بتایا ۔ پولیس کے مطابق متاثرہ کی طبی جانچ کرائی گئی ہے ۔ فی الحال دونوں ملزم فرار ہیں ۔ پولیس نے بتایا کہ ملزمان کو جلدی پکڑ لیا جائے گا ۔ معاملے کی جانچ نوھر پولیس ڈپٹی سپرنٹنڈنٹ کر رہے ہیں ۔
