پندرہ اگست کو کشمیر کی ہر ایک پنچایت میں ترنگا لہرائیں گے: رویندررینہ
پریتی مہاجن
جموںبی جے پی جموں وکشمیر یونٹ کے صدر رویندر رینہ نے کہا کہ بی جے پی 15 اگست کو یوم آزادی کے موقع پر ریاست کی ہر ایک پنچایت میں ترنگا لہرائے گی۔ انہوں نے کہا کہ مودی حکومت کا ہر ایک فیصلہ جموں وکشمیر کے لوگوں کے مفاد میں ہوگا۔رویندر رینہ نے ہفتہ کے روز یہاں ترکوٹہ نگر میں واقع بی جے پی دفتر پر پارٹی کے اجلاس کے حاشئے پر نامہ نگاروں کو بتایا: ‘پندرہ اگست کے دن بی جے پی جموں، کشمیر اور لداخ کی ہر ایک پنچایت میں ترنگا لہرائے گی۔ ہم تمام سرپنچوں، پنچوں اور سماج کے مختلف طبقوں سے تعلق رکھنے والے افراد سے اپیل کرتے ہیں کہ وہ یوم آزادی کی تقریبات میں بڑھ چڑھ کر حصہ لیں۔ ریاست کی ہر ایک پنچایت، ہر ایک وارڈ اور ہر ایک گلے محلے میں ترنگا لہرایا جائے گا’۔ان کا مزید کہنا تھا: ‘مودی حکومت کی طرف سے جموں وکشمیر کو لیکر جو بھی فیصلہ لیا جائے گا وہ ریاست کے تینوں خطوں کے لوگوں کے مفاد میں ہوگا۔ پہلے بھی وزیر اعظم مودی نے جموں وکشمیر کے عوام کو سینے سے لگایا ہے۔ اگر کسی نے یہاں کے لوگوں کے زخموں پر مرہم لگانے کا کام کیا ہے تو وہ وزیر اعظم مودی ہیں’۔بھاجپاریاستی صدر رویندر رینہ نے یہاں پاڑتی صدر دفتر ترکوٹہ نگرمیں ذرائع ابلاغ سے بات کرتے ہوئے اپنے ایک بیان میں کہاکہ بھاجپا ریاست جموں و کشمیر کی پنچائت ،قصبہ اور ہر خطے میں ترنگالہرائے گی ۔ہم تمام سرپنچوں، پنچوں اور سماج کے مختلف طبقوں سے تعلق رکھنے والے افراد سے اپیل کرتے ہیں کہ وہ یوم آزادی کی تقریبات میں بڑھ چڑھ کر حصہ لیں۔ ریاست کی ہر ایک پنچایت، ہر ایک وارڈ اور ہر ایک گلے محلے میں ترنگا لہرایا جائے گا۔ان کا مزید کہنا تھاکہ مودی حکومت کی طرف سے جموں وکشمیر کو لیکر جو بھی فیصلہ لیا جائے گا وہ ریاست کے تینوں خطوں کے لوگوں کے مفاد میں ہوگا۔ پہلے بھی وزیر اعظم مودی نے جموں وکشمیر کے عوام کو سینے سے لگایا ہے۔ اگر کسی نے یہاں کے لوگوں کے زخموں پر مرہم لگانے کا کام کیا ہے تو وہ وزیر اعظم مودی ہیں۔اس موقع پر ان کے ہمراہ ست شرما، ڈاکٹر نرندر سنگھ، یدھویر سیٹھی، سونیل سیٹھی اوردیگر لیڈران موجود تھے ۔وہیں روندر رینہ نے سکیورٹی فورسز کے بہادروں کو مبارک بادی پیش کرتے ہوئے کہا کہ بہادروں نے اسلحہ برآمد کر کے کئی قیمتی جانوں کو بچایا ہے اور مستقبل قریب میں تمام دہشت گردوں کا خاتمہ کر دیا جائے گا ۔رینہ نے اس دوران ریاست میں نئی تعینات سکیورٹی فورسز کا خیر مقدم کرتے ہوئے کہا کہ سکیورٹی فورسز ہمارے بھائی اور اس سرزمین کے بیٹے ہیں۔انہوںنے ریاستی باشندگان سے مخاطب ہوتے ہوئے کہا کہ بلا لحاظ مذہب اور خطہ ہر جگہ ترنگا لہرایا جائے۔
