یواین آئی
سرینگرسری نگر اور پاکستان زیر انتظامکشمیر کی راجدھانی مظفر آباد کے درمیان چلنے والی کاروان امن بس سروس پیر کے روز آٹھ ہفتوں کی معطلی کے بعد بحال ہوئی۔بتادیں کہ کاروان امن بس سروس شمالی کشمیر کے اوڑی میں واقع کمان امن سیتو پل پر مرمت کا کام جاری رہنے کی وجہ سے آٹھ ہفتوں تک لگاتار معطل رہی۔سرکاری ذرائع نے بتایا کہ پیر کی صبح ہفتہ وار کاروان امن بس سروس پاکستان زیر انتظام کشمیر کے تین مسافروں کو لے کر سری نگر سے کمان پوسٹ کی طرف روانہ ہوئی۔انہوں نے بتایا کہ پیرکے روز بس سروس کے ذریعے سفر کرنے والوں کی صحیح تعداد شام کو ہی معلوم ہوسکتی ہے ۔ادھر جموں کشمیر اور پاکستان زیر قبضہ کشمیر کے درمیان ایل او سی آر پار تجارت 18 اپریل سے لگاتار معطل ہے ۔قابل ذکر ہے کہ سری نگر اور مظفرآباد کے درمیان چلنے والی ہفتہ وار بس سروس کا آغاز 7 اپریل 2005 کو ہوا تھا اور تب سے اس کے ذریعے ہزاروں لوگ آرپار اپنے عزیز واقارب سے ملے ہیں۔
