پرنسپل ڈگری کالج پونچھ پروفیسر تجیندر سنگھ نے بطور مہمانِ خصوصی کی شرکت
سید نیاز شاہ
پونچھ// آج پوری دنیا میں عالمی یوم زمین کے سلسلے میں تقریبات کا انعقاد کیا گیا اسی سلسلے میں جموں کشمیر اسٹیٹ پالیوشن کنٹرول بورڈ کے بینر تلے ایک پروگرام کا انعقاد کیا گیا۔ اس موقع پر مختلف اسکولی بچوں کے درمیان پہلے مصوری کا مقابلہ کروایا گیا جبکہ اس کے بعد کرائسٹ سکول پونچھ رضاالعلوم پونچھ و ڈگری کالج پونچھ شیش محل پونچھ نانک اکیڈمی پونچھ کے بچوں کے درمیان تقریری مقابلہ کروایا گیا جس میں نانک اکیڈمی پونچھ کی انامیکا بالی نے پہلی پوزیشن حاصل کی جبکہ رضاالعلوم ہائیر سیکنڈری سکول کے طالب علم نے دوسری و کرائسٹ سکول پونچھ کی انشاءمشتاق نے تیسری پوزیشن حاصل کی ۔اس موقع پر پروفیسر فتح محمد عباسی نے نظامت کے فرائض انجام دیے جبکہ ڈاکٹر محمد اعظم و پوجا دیوی نے کمپیٹیشن میں بطور جج خدمات انجام دئے۔ جو دیگر اہم شخصیات اس موقع پر موجود رہے ان میں فاطمہ ہیومن ویلفیئر فاو¿نڈیشن سے تنویر پونچھی و سید امجاز شاہ پروفیسر رانی مغل ڈاکٹر مجاہد مغل قابل ذکر ہیں۔
