لازوال ڈیسک
جموں سابق وزیرو ترجمان اعلیٰ بھاجپا پریا سیٹھی نے یہاں اپنے ایک بیاں میں کہا کہ بھاجپا خواتین کو با ختیار بنانے کے سلسلہ میں کوشاں ہے جو نیو انڈیا کا ایک اہم حصہ ہے۔موصوف نے جموں وسط کے وارڈ نمبر 15 میں ریلی سے اظہار خیال کرتے ہوئے کہا کہ گزشتہ پانچ سالوں میں بھارت خواتین کی ترقی کے میدان میں آگے بڑھ رہا ہے ۔اس موقع پر ان کے ہمراہ بھاجپا کی دیگر خواتین لیڈران بھی موجود تھیں ۔سیٹھی نے کہا کہ وزیر اعظم نریندر مودی ہمیشہ کہتے ہیں کہ "خواتین کی طاقت پارٹی میں اہم ہے اور یہی وجہ ہے کہ مودی کی قیادت والی حکومت کی طرف سے مختلف اسکیمیں شروع کی گئی ہیں، جس نے ملک میں خواتین کو براہ راست مدد کی ہے۔انہوں نے کہا، "یہ تاریخ میں پہلی بار ہے کہ ان پانچ سالوں میں خواتین پر مبنی منصوبے شروع کئے گئے ہیں اور بی جے پی کے لئے چاہے وہ تنظیم ہو یا حکومت، یا پروگراموں کو تیار کرنا، یہ خواتین پہلے ہیں۔انہوں نے کہا کہ بھارت نے مودی کے دور میں خواتین کی ترقی سے خواتین-قیادت ترقی تک سفر کیا ۔
