افتخار جعفری/آکاش ملک
سرنکوٹ// فضل آباد بیر مڈل اسکول میں ہیڈ ماسٹر کی پوسٹ پچھلے کئی عرصہ خالی پڑی ہے جس کی وجہ سے اسکول کا نظام درہم برہم ہے اور اسکول میں تعینات اساتذہ اپنی مرضی کے مطابق اسکول آتے ہیں۔ مقامی لوگوں نے تفصیلات دیتے ہوئے بتایا کہ بیر مڈل اسکول میں ہیڈ ماسٹر کی پوسٹ خالی ہے اور اسکول میں زیر تعلیم طلباءوطالبات گناگوں مشکلات سے دوچار ہیں۔انہوں نے بتایا کہ اسکول میں تعینات اساتذہ بھی اپنی مرضی کے مطابق اسکول میں حاضر رہتے ہیں جس سے مقامی طلباءوطالبات کا مستقبل خطرے میں ہے۔انہوں نے مزید بتایا کہ بیر مڈل اسکول کی دو عمارتیں پسی کی زد میں آ گئی تھی جنہیں کافی نقصان پہنچا تھا تا ہم کسی نے بھی ان کی طرف توجہ نہیں دی اور اس وقت عمارت کے بغیر بچوں کو کھلے آسمان تلے بیٹھنے پر مجبور ہونا پڑ رہا ہے۔انہوں نے چیف ایجوکیشن پونچھ سے اپیل کی ہے کہ بیر مڈل اسکول کے معاملات پر توجہ دی جائے اور درپیش مسائل کو حل کیا جائے تاکہ بچوں کا مستقبل روشن ہو سکے۔
