ضلع کمشنر نے بہترین کارکردگی پر افسران کو کیا اعزازات سے سرفراز
لازوال ڈیسک
ریاسیضلع ریاسی میں گزشتہ کئی دنوں سے مختلف مقامات پر پوشن ابھیان کے تحت اہم سرگرمیاں جاری ہیں جس کے چلتے عوام کو صفائی اور غذائیت پر جانکاری دی گئی ۔وہیں پوشن پکھواڑے کے آخری روز اختتامی کا انعقاد کیا گیا جس میں ضلع کمشنر ریاسی نے افسران کو بہترین کارکردگی پر اعزازات سے سرفراز کیا ۔اس موقع پر آئی سی ڈی ایس کی جانب سے پوشن پکھواڑے کے دوران انجام دی گئی سرگرمیوں کی ایک پاور پوائنٹ پرزنٹیشن فراہم کی گئی ۔وہیں ضلع کمشنراندو کنول رانا نے اپنے خیالات کا اظہار کرتے ہوئے کہا کہ ضلع ریاسی میں پوشن ابھیان کے نفاذ کیلئے اہم اقدامات اٹھائے گئے جس میں مختلف محکمہ جات نے اپنی نمایاں خدمات انجام دیں ۔واضح رہے اس تقریب میں بہتر کارکردگی پر ڈاکٹر بجاج، محمد اسلم سی ڈی پی او پونی، انجام گنائی سی ڈی پی او ریاسی ،اسسٹنٹ ڈائریکٹر فوڈ اینڈ سپلائیز نصیر بھٹ، محترمہ صباءبی ڈی او کٹرہ، سنجیو کمار بی ڈی او ریاسی کو اعزازات سے نوازہ گیا ۔علاوہ ازیں ایڈیشنل ڈپٹی کمشنر ریاسیضلع پروگرام آفیسر آئی سی ڈی ایس ، سی ای او ، سی ایم او ، ضلع یوتھ سروس اینڈ اسپورٹس آفیسر ، ضلع ایگریکلچر آفیسر کو بھی ضلع کمشنر نے مومنٹو پیش کئے ۔وہیں تقریب کے آخر میں اے ڈی سی ریاسی نے ضلع کمشنر ریاسی کو بھی مومنٹو سے نوازہ۔
