’میں بھی چوکیدار‘مہم کا جموں مغرب سے ست شرما نے کیا آغاز

پارٹی کارکنان مہم کو بنیادی سطح تک پہنچائیں:ست شرما
لازوال ڈیسک
جموںوزیر اعظم نرندر مودی کی مہم ’میں بھی چوکیدار‘ کا یہاں جموں مغرب حلقہ انتخاب کے وارڈ نمبر 24سے بھاجپا سابق ریاستی صدر و سابق وزیر ست شرما نے آغاز کیا ۔اس موقع پر بھاجپا ضلع صدر جموں اور بھاجپا کے دیگر کارکنان موجود تھے ۔وہیں ست شتما نے اپنے خیالات کا اظہار کرتے ہوئے کہا کہ انتخابات میں بوتھ سطح کمیٹی اور اجنٹوں کا ایک اہم کردار ہے ۔انہوں نے پارٹی کارکنان پر زور دیتے ہوئے کہا کہ لوگوں تک پہنچا جائے تاکہ مرکز کی جانب سے چلائی جا رہی فلاحی اسکیموں کو عوام تک پہنچایا جائے ۔شرما نے کہا کہ ملک بھر کے ساتھ ساتھ جموں مغرب حلقہ انتخاب کے عوام نے ان اسکیموں سے استفادہ حا صل کیا ہے ۔موصوف نے کہا کہ ’میں بھی چوکیدار‘مہم کو بنیادی سطح پر پہنچایا جائے ۔اس موقع پر وینو کھنہ، ارون چبر، وجے شرما و دیگران نے شرکت کی ۔