ماحولیات کے ساتھ ساتھ سماجی سرگرمیوں کا انعقاد کیا گیا
لازوا ل ڈیسک
جموں؍؍ مولانا آزاد میموریل کالج جموںکے این ایس ایس یونٹ کے زیر اہتمام ایک ہفتہ طویل سرمائی کیمپ 3 مارچ 2022 کو اختتام پذیر ہوا۔ یہ تقریب جس کا آغاز 25 فروری 2022 کو کالج پرنسپل (پروفیسر) ڈاکٹر جی ایس رکوال کی رہنمائی میں ہوا۔ اس موقع پرکلسٹریونیورسٹی کی این ایس ایس کوآرڈینیٹر ڈاکٹر سندھیا بھردواج نے ماحولیات سے لے کر سماجی سرگرمیوں تک کی تقریبات کا ایک عکس پیش کیا۔ تاہم سرمائی کیمپ کے پہلے دو دن کالج کے احاطے میں خصوصی صفائی اور شجرکاری مہم کے لیے وقف تھے۔وہیں پودے لگانے کے علاوہ این ایس ایس کے رضاکاروں نے کالج کے ماحول کو خوبصورت بنانے کے لیے کنکروں اور دیگر مواد سے دلکش لوگو بنا کر بھی اپنی صلاحیتوں کا مظاہرہ کیا۔ اگلے دن این ایس ایس کے رضاکاروں کے ذریعہ ایک ماحولیاتی ریلی نکالی گئی۔ بعد ازاںاین ایس ایس کے رضاکاروں نے جکھ گاؤں کا دورہ کیا جسے حال ہی میں کالج کے این ایس ایس یونٹ نے گود لیا تھا ۔وہیںسرمائی کیمپ کے ایک حصے کے طور پر خون کے عطیہ کیمپ کا انعقاد کیا گیا جس میں کالج کے پرنسپل سمیت کالج کی فیکلٹی کے ساتھ این ایس ایس رضاکاروں نے خون کا عطیہ دیا۔ انہوں نے پوری این ایس ایس ٹیم کو ایک شاندار تقریب پیش کرنے پر مبارکباد پیش کی جس نے این ایس ایس رضاکاروں کو سیکھنے کا ایک بھرپور تجربہ پیش کیا۔
