ذرائع ابلاغ کے ساتھ ہندوستانی معیشت پر وائٹ پیپر کی جھلکیاں شیئر کیں
لازوال ڈیسک
جموں؍؍جے اینڈ کے بی جے پی کے ترجمان اعلیٰ ایڈوکیٹ سنیل سیٹھی، سابق وائس چیئرپرسن بلبیر رام رتن اور جموں و کشمیر بی جے پی میڈیا انچارج ڈاکٹر پردیپ مہوترا کے ہمراہ پارٹی ہیڈکوارٹر جموں میںذرائع ابلاغ سے بات کرتے ہوئے، وزیر اعظم نریندر مودی کی قیادت میں مرکزی حکومت کی کوششوں کی تعریف کی۔اس موقع پرسنیل سیٹھی نے ہندوستانی معیشت پر وائٹ پیپر کی جھلکیاں شیئر کرتے ہوئے کہا کہ یو پی اے حکومت کو 2004 میں ایک صحت مند معیشت وراثت میں ملی تھی جو مزید اصلاحات کے لیے تیار تھی، لیکن 2014 تک اپنے 10 سالوں میں اسے نان پرفارمنگ بنا دیا۔
انہوں نے کہاکہ یو پی اے حکومت کے تحت، غیر ملکی زرمبادلہ کے ذخائر جولائی 2011 میں تقریباً 294 بلین امریکی ڈالر سے کم ہو کر اگست 2013 میں تقریباً 256 بلین امریکی ڈالر رہ گئے تھے۔انہوں نے کہاکہ ریزرو بینک کی رپورٹوں میں یو پی اے حکومت کی طرف سے ضرورت سے زیادہ آمدنی کے اخراجات اور ناقص پالیسی منصوبہ بندی اور عمل درآمد کی طرف اشارہ کیا گیا ہے جس کے نتیجے میں یو پی اے سالوں کے دوران سماجی شعبے کی بہت سی اسکیموں کے لیے بڑے پیمانے پر فنڈز خرچ نہیں کیے گئے۔انہوں نے مزیدکہاکہ یو پی اے حکومت کو پالیسی کی غلط مہم جوئی اور گھوٹالوں جیسے 2G گھوٹالے اور کوئلہ گھوٹالے سے نشان زد کیا گیا تھا۔اس موقع پر انہوں نے یو پی اے کے دور اقتدار پر سخت تنقید کیا۔
