نئی دہلی، // ہندوستان نے آج چین اور پاکستان کے مشترکہ بیان میں پاکستان کے زیر قبضہ کشمیر میں منصوبوں کے نامناسب اعلان پر گہرے تحفظات کا اظہار کیا ہے اور خبردار کیا ہے کہ ہندوستان کے ناقابل تقسیم حصے میں کسی بھی نامناسب منصوبے اور سرگرمی کی بھرپور مخالفت کی جائے گی۔
چین، پاکستان مشترکہ بیان میں پاکستان کے زیر قبضہ کشمیر کے نامناسب حوالے سے میڈیا کے سوالات کا جواب دیتے ہوئے وزارت خارجہ کے ترجمان رندھیر جیسوال نے کہا "ہم نے 07 جون کو چین اور پاکستان کے درمیان مشترکہ بیان میں نوٹ کیا ہے کہ مرکز کے زیر انتظام جموں و کشمیر کے حوالے سے ہم اس طرح کے حوالوں کو واضح طور پر مسترد کرتے ہیں اور مرکز کے زیر انتظام علاقہ لداخ میں متعلقہ فریق یہ بات اچھی طرح جانتے ہیں کہ کسی دوسرے ملک کو اس پر تبصرہ کرنے کا حق نہیں ہے۔
ترجمان نے کہا "اسی مشترکہ بیان میں نام نہاد چین-پاکستان اقتصادی راہداری (سی پی ای سی) کے تحت ہونے والی سرگرمیوں اور منصوبوں کا بھی ذکر کیا گیا ہے، جن میں سے کچھ پاکستان کے زبردستی اور غیر قانونی قبضے کے تحت ہندوستان کے خود مختار علاقے میں ہیں” دوسرے ممالک کی طرف سے ان علاقوں پر پاکستان کے غیر قانونی قبضے کو مضبوط کرنے یا اسے قانونی حیثیت دینے کے لیے اقدام کرنا جو ہندوستان کی خودمختاری اور علاقائی سالمیت کو متاثر کرتے ہیں، ایسے کسی بھی قدم کی ہم شدت سے مخالفت کرتے ہیں۔
