لازوال ویب ڈیسک
احمد آباد، // دپتی شرما (تین وکٹ) اور پریا مشرا (دو وکٹ) کی شاندار گیند بازی اور عمدہ فیلڈنگ کی وجہ سے ہندوستانی خواتین ٹیم نے منگل کو تیسرے ون ڈے میں نیوزی لینڈ کی اننگز کو 232 کے اسکور تک محدود کر دیا۔
https://sportstar.thehindu.com/cricket/womens-cricket/india-vs-new-zealand-live-score-3rd-odi-ind-w-vs-nz-w-2024-ahmedabad-highlights-streaming-info/article68809463.ece
آج ٹاس جیت کر پہلے بلے بازی کرنے آئی نیوزی لینڈ کی خواتین ٹیم کا آغاز اچھا نہیں رہا اور ایک کے بعد ایک وکٹیں گنوائیں۔ 88 کے اسکور تک پانچ وکٹیں گر چکی تھیں۔ سوزی بیٹس (چار)، لارین ڈاؤن (ایک)، سوفی ڈیوائن (نو)، جارجیا پلمر (39) اور میڈی گرین (15) رنز بنانے کے بعد آؤٹ ہوئیں۔ ایسے میں پانچویں نمبر پر بیٹنگ کرنے آئیں بروک ہالیڈے نے ازابیلا گیج کے ساتھ مل کر اننگز کو سنبھالا۔ دونوں بلے بازوں کے درمیان چھٹی وکٹ کے لیے 64 رنز کی شراکت ہوئی۔ دپتی شرما نے ازابیلا گیج (25) کو آؤٹ کر کے شراکت کو توڑا۔ بروک ہالیڈے نے نو چوکوں اور تین چھکوں کی مدد سے 86 رنز بنائے۔ ہننا رو (11)، ایڈن کارسن (دو) اور فرین جونز دو رنز بنانے کے بعد آؤٹ ہوئیں۔ لیا تاہو 24 رنز بنانے کے بعد ناٹ آؤٹ رہیں۔ ہندوستانی گیند بازوں نے نیوزی لینڈ کو 49.5 اوورز میں 232 رنز پرسمیٹ دیا۔
ٹیم انڈیا کی جانب سے دپتی شرما نے 39 رنز (تین وکٹ) اور پریا مشرا نے 41 رنز دے کر دو وکٹیں حاصل کیں ۔ رینوکا سنگھ اور ایس ٹھاکر نے ایک ایک بلے باز کو آؤٹ کیا۔
