طلباء اور اساتذہ نے مقابلے کے انعقاد میں ہندوستانی فوج کی کوششوں کو سراہا
لازوال ڈیسک
راجوری؍؍ہندوستانی فوج کی جانب سے ٹینڈر فٹ اسکول، کیری، راجوری ضلع میں ’خواتین کو بااختیار بنانے‘ کے موضوع پر ایک مباحثے کا مقابلہ خواتین کے دن کے موقع پر منعقد کیا گیا۔ بحث کا زور خواتین کی اہمیت کو سمجھنا اور نہ صرف کیریئر کی ترقی کے حوالے سے بلکہ دیگر شعبوں میں بھی انہیں مواقع اور مساوی حقوق فراہم کرنا تھا ۔ بحث میں حصہ لینے والے طلباء نے بے پناہ جوش و خروش اور موضوع کی سمجھ کا مظاہرہ کیا۔ اس تقریب نے انہیں ایک موقع فراہم کیا کہ وہ اپنی عوامی تقریر کی مہارت کو ظاہر کریں اور اپنے نقطہ نظر کو منطقی انداز میں پیش کرنے کا اعتماد حاصل کریں۔ طلباء اور اساتذہ نے مقابلے کے انعقاد میں ہندوستانی فوج کی کوششوں کو سراہا۔
