لطیف ملک
گول ؍؍سب ڈویژن گول کے صدر مقام پر نیشنل کانفرنس کا اجلاس منعقد ہوا جس کی صدارت بلاک صدر گول احداللہ نائیک نے کی جبکہ اس موقعہ پر نیشنل کانفرنس کے سب ڈویژن گول سے تعلق رکھنے والے ورکران و عہدیداران نے شرکت کی۔ انہوں نے شیر کشمیر شیخ محمد عبداللہ کو خراج عقیدت پیش کرتے ہوئے ان کے ایصالِ ثواب کے لئے دعائے مغفرت کی۔ انہوں نے اس موقعہ پر شیر کشمیر کی قربانیوں کو یاد کیا اور کہا کہ جس طرح سے غریب عوام کی خاطر شیر کشمیر شیخ محمد عبداللہ نے قربانیاں دی ہیں آج تک ایسا کوئی سپوت جموں و کشمیر نے پیدا نہیں کیا۔ انہوں نے کہا کہ آج جو بھی زمینداراور غریب لوگ آرام سے جموں و کشمیر میں اپنی زندگی جی رہے ہیں یہ سب شیخ محمد عبداللہ کی بدولت سے ہیں اور آج اْن کی کاوشوں کو ہمیشہ یاد رکھا جائے گا۔ انہوں نے کہا کہ آنے والے وقت میں پھر سے جموں و کشمیر میںنیشنل کانفرنس کی ہی حکومت ہو گی اور پھر سے شیخ محمد عبداللہ کی یادوںکو تازہ کیا جائے گا۔ انہوں نے اس موقعہ پر کہا کہ حالیہ دنوں ڈی ڈی سی چیر پرسن رام بن کے خلاف جو عدم اعتماد کی رپورٹ کچھ ممبران نے پیش کی اس کے غبارے سے ہوا نکل گئی ہے کیونکہ یہ سب کچھ ایک جھوٹ کا پلند تھا اورجھوٹ کے پائوں نہیں ہوتے جس وجہ سے یہ آج دھڑاک سے گر گئے اور سچ سامنے آگیا۔ انہوں نے کہا کہ اس طرح کے الزامات لگانے سے کوئی کسی کو غلط ثابت نہیں کر سکتا ہے بلکہ زمینی سطح کی حقائق کو سامنے لا کر کام کرنا چاہئے۔
